monumenta.ch > Plinius > sectio 25
Word Selection for Searching
Report an Error in this Sectio
Plinius, Naturalis Historia, 36, 25
{IV} Scopae laus cum his certat. is fecit Venerem et Pothon, qui Samothrace sanctissimis caerimoniis coluntur, item Apollinem Palatinum, Vestam sedentem laudatam in Servilianis hortis duosque campteras circa eam, quorum pares in Asini monimentis sunt, ubi et canophoros eiusdem.